Ull í bak og fyrir

Gömlu mennirnir í sveitinni fóru aldrei úr ullarnærfötunum. Voru í ullinni næst sér vetur, sumar, vor og haust. Í kulda og hita var ullin næst líkamanum. Ullin er eins og silkið, verndar bæði fyrir hita og kulda; kemur á jafnvægi, heldur að hæfilegum hita.

Ullin einangrar og temprar og hefur líka í sér efni sem eru góð fyrir líkamann, – t.d. olíu sem ku vera góð.

Í nýrri rannsókn var hópur fólks sem átti það sameiginlegt að vera með gigt og langvinna verki. Hópnum var skip í tvennt (eftir tilviljun), annar hluti (25)  klæddist ull næst sér alla daga, hinn hópurinn (25) ekki. Eftir sex vikur kom í ljós að fólkið í hópnum sem var í ullinni hafði minni verki og leið að mörgu leyti betur miðað við þau sem ekki  voru í ull næst sér. Munur á milli hópanna var ekki tilviljunarkenndur samkvæmt útreikningum þar um.

Sem sagt ullin hafði góð áhrif á fólk með gigt og verki. Rannsóknin fór fram í Tyrklandi og Dr. Kiyak birti vísindagrein um rannsóknina árið 2009 sem er hér á pdf formi:

Rannsókn um góð áhrif ullar (Kiyak, 2009).

http://web.ebscohost.com/ehost/pdfviewer/pdfviewer?sid=24a358de-1cb8-4f6f-9606-2440793f2e23%40sessionmgr4&vid=2&hid=21

Leave a Reply

Your email address will not be published. Required fields are marked *